Toni Bright mentalistaren ‘Creer es `poder’ ikuskizunaren pase berria ‼️

23/12/2025

Sarrerak gaur 10:00etan jarriko dira salgai erroldatuta dauden eta sisteman alta emanda dauden pertsonentzat.

Toni Bright mentalista ezagunak datorren urtarrilean Aranguren Ibarreko Kultur Etxean eskainiko du ‘Creer es poder’ ikuskizuna, ikusleen artean itxaropen handia sortu duen proposamena. Hain handia izan da interesa, non 18:00etarako aurreikusitako emanaldirako sarrerak 15 minutu baino gutxiagoan agortu baitziren salgai jarri zirenetik.

Eskaera handi honen aurrean, Aranguren Ibarreko Udaleko Kultura eta Jai Zerbitzuak beste pase bat iragarri du: datorren igandean, urtarrilaren 18an, 16:30ean. Horrela, herritarrei ikuskizun honetaz gozatzeko aukera zabalduko zaie.

Horretarako, Aranguren Ibarrean erroldatuta eta sisteman alta emanda dauden pertsonentzako sarreren salmenta esklusiboa gaurtik, abenduaren 23tik, irekiko da, 10:00etatik aurrera. Ondoren, publiko orokorrarentzako salmenta ostegunean hasiko da, abenduaren 25ean, 10:00etan.

Aranguren Ibarreko Kultura eta Jai Zerbitzuak jai zoriontsuak opa dizkizue guztiei, eta Gabon hauetan kultura oparitzeko gonbita luzatzen dizue herritarrei!