ARANGUREN IBARREKO SUTEEN PREBENTZIO-PLANAREN AURKEZPENA: ekainaren 8an Gongora Jauregian

02/06/2026

Herritarrek sute-arriskua murrizteko proposatutako neurriak ezagutzeko aukera izango dute, eta ondoren Gongora Jauregian birgaitutako guneak bisitatu ahal izango dituzte.

Datorren ekainaren 8an, astelehena, 18:00etan, Gongora Jauregian Aranguren Ibarreko Suteen Prebentzio-planaren aurkezpen publikoa egingo da. Dokumentua ECOLAN ingurumen-aholkularitzak prestatu du, Kontzejuetako herritarren eta Ibarreko hainbat informatzaileren lankidetzarekin.

Planaren helburua sute-arriskuari aurrea hartzea da, sua piztea saihesteko beharrezko neurriak ezarriz eta, sutea gertatuz gero, pertsonengan, ondasunetan eta natura-ingurunean izan ditzakeen ondorioak ahalik eta gehien murriztuz.

Saioan zehar, ECOLANek egindako lehen diagnostikoaren ondorio nagusiak aurkeztuko ditu, eta sute posibleen aurrean prebentzioa eta erantzuteko gaitasuna hobetzeko proposatutako jarduketak azalduko ditu.

Aurkezpenaren ondoren, bertaratutakoek Gongora Jauregian birgaitutako guneak bisitatzeko aukera izango dute, Ibarrerako erreferentziazko espazio honetan egindako lanak bertatik bertara ezagutzeko.

👉🏼 Ezagutu itzazu Suteen prebentzio-planan proposatutako neurri guztiak hemen klik eginez.