Aranguren Ibarrak bat egiten du 2026ko Mugikortasunaren Europako Astearekin 🚲🛴

16/09/2026

Ingurumen Zerbitzuak ikastetxeei eta herritarrei dei egiten die mugikortasun iraunkorrago baten alde egin dezaten irailaren 16tik 30era.

Aranguren Ibarrak bat egiten du aurten ere Mugikortasunaren Europako Astearekin, irailean Europako hainbat udalerri eta hiritan egiten den ekimenarekin, garraiobide jasangarriagoak, osasungarriagoak eta ingurumena errespetatzen dutenak sustatzeko helburuarekin.

Aurten, ekimenak ikastetxeetan jartzen du arreta bereziki, eta irailaren 16tik 30era egingo den ‘Eskolara bizikletaz edo patinetez!’ erronkan parte hartzeko deia egiten die. Ekimenak ikasleak eta irakasleak autoa alde batera uztera eta bizikleta, patina edo beste garraiobide aktibo eta ez-kutsatzaile batzuk aukeratzera animatzen ditu, eskola-bidea espazio iraunkor, osasungarri eta dibertigarri bihurtzeko.

Gainera, Mugikortasunaren Europako Astearen baitan, Naturguneak ‘Hirigintza eta mugikortasun iraunkorra’ tailerra ere antolatu du, Lehen Hezkuntzako 3. mailatik 6.era bitarteko haurrei zuzenduta.

🚲 'Hirigintza eta mugikortasun iraunkorra' tailerra

🗓️ Irailak 18, ostirala.

🕢 17:00etatik 19:00etara.

📍 Kultur Etxeko Liburutegi Publikoan.

🪙 3€.

✍🏼 948 012 012 telefonora deituz (dohainik tarifa planeko telefonoetarako) edo https://inscripciones012.navarra.es/GN012/Busqueda?Entidad=5 helbidearen bitartez.

Irakurri ezazu albiste osoa hemen klik eginez.