Parte hartu Olentzero eta Mari Domingiri Mutiloara ongietorria prestatzeko lehen batzorde irekian!

28/10/2026

Aranguren Ibarreko Udalaren Euskara Zerbitzuak eta Irulegi Euskara Taldeak Ibarreko bizilagun eta kolektiboei Gabonetako ospakizunen antolakuntzan parte hartzera gonbidatzen dituzte.

Urtero bezala, Aranguren Ibarrak abenduaren 24an Olentzero eta Mari Domingiri Mutiloara ongietorria emateko prestakuntzak hasi ditu. Horretarako, dagoeneko Ibarreko hainbat elkarte biltzen dituen eta herritar guztiei irekita dagoen batzorde bat sortu da. Bilera honen helburua ongietorriaren prestakuntza-lanak antolatzea da.

Batzordearen lehen bilera

🗓️ Azaroak 4, asteazkena.

🕜 19:00etan.

📍 Udaleko Mutiloa Aretoa.

Lehen bilera honetan aurreko urteetako esperientzian oinarritutako hobekuntza-proposamenak partekatuko dira eta abenduaren 24an Olentzero eta Mari Domingiri ongietorria behar bezala prestatzeko lanak hasiko dira.

Aranguren Ibarreko Udaleko Euskara Zerbitzuak ibarreko bizilagunak ekimen komunitario honetan aktiboki parte hartzera gonbidatzen ditu, guztion artean aurten ere Olentzero eta Mari Domingiren harrera une magiko eta partekatua izan dadin.