Korrikaren 24. edizioa: igande honetan Mutiloatik igarotzeko jakin behar duzun guztia

18/03/2026

Ibilbidea Mendillorrikotik iritsiko da 13:15ak aldera, eta aurretik musika, dantzak eta erraldoiak izango dira herriko Santxiki pasealekuan.

AEK-k bi urtean behin antolatzen duen euskararen aldeko aldarrikapen martxa den Korrikak Aranguren Ibarretik igaroko da berriro martxo honetan. Lasterketa datorren igandean, martxoaren 22an, iritsiko da Mutiloara 13:15ak aldera, Mendillorri auzotik etorrita. Horregatik, antolatzaileek gutxienez 15 minutu lehenago bertaratzea gomendatzen dute lekukoaren iritsiera ez galtzeko.

Ibarrera iritsi aurretik, Santxiki pasealekuan jarduera-egitarau oso batekin giroa berotzen hasiko gara:

• 11:00etan – Ibarreko Dantzari Txikiak
• 11:30ean – Irulegi Txaranga
• 12:30ean – Erraldoiak eta gaiteroak
• 13:15ean – Korrikaren etorrera

Korrikaren ibilbidea Mutiloan hiru kilometrokoa izango da, Ibarreko hainbat erakundek erositakoa:

• 756 km (13:16ak aldera) – Irulegi Euskara Taldea (Ibarreko Inauteri Taldearen parte-hartzearekin).
• 757 km (13:20ak aldera) – Irulegi Ikastetxe Publikoko Gurasoen Elkartea.
• 758 km (13:23ak aldera) – Ibarreko Dantzari Txikiek eta Udaletxea (alkatea eta Euskarako zinegotzia).

Aranguren Ibarreko Udaleko Euskara Zerbitzutik herritar guztiak animatu nahi ditugu Korrikak Mutiloatik igarotzean parte hartzera. Parte-hartzea irekia izango da, euskararen aldeko jai eta aldarrikapen ekitaldi honetan bat egiteko.

Kontsulta ezazu albiste osoa hemen klik eginez.